Túrkistan oblysynda 4 myńnan astam adam elektrondy júıemen jumysqa ornalasqan
Sala mamandarynyń aıtýynsha, atalǵan júıe jalpy orta bilim berý uıymdary pedagogtaryn jumysqa qabyldaýdy jáne konkýrstyq taǵaıyndaý barysyn avtomattandyrady. Sonymen qatar, onda bilim uıymdaryndaǵy tehnıkalyq qyzmetkerlerdiń bos oryndary jaıly habarlamalar ornalastyrylady. Qazirgi tańda júıede pedagogtar men tehnıkalyq qyzmetkerlerdiń bos 11 008 jumys orny týraly habarlama ilingen. Ótken jyly óńirde 4282 adam osy júıe arqyly jumysqa ornalasqan. Sondaı-aq, byltyr oblysta pedagog kadrlardy attestattaý alǵash ret elektrondy túrde ótkizildi. Júıe arqyly pedagog óziniń jetistikteri týraly málimetterdi ózderine berilgen logın jáne parol arqyly kirip ótinish jiberip, atalǵan ótinishti saraptamalyk komıssııa músheleri qarap óz baǵalaryn beredi.
Oblys boıynsha «Bilimland» tsıfrlyq bilim berý júıesine 100 paıyz mektepter qosylǵan. 2018 jyldyń qyrkúıek aıynan bastap búgingi kúnge deıin 751 304 sabaq qaralymy bolǵan, onyń ishinde «BilimLand» – 237511, «Twig» – 17347, «iTest» – 462446, «iMektep»– 34000. Sonymen qatar, 2018 jyly oblystyq bıýdjetten tsıfrlyq bilim berý resýrstarymen qamtylǵan 1700 dana «Bilim Book» kompıýter-planshet satyp alynyp, shalǵaı jerde ornalasqan ınternet jyldamdyǵy tómen 235 mektepke berilgen.
Budan ózge oblystaǵy 1453 mektepke deıingi bilim berý uıymdarynda 147 337 bala bar bolsa, Valabaqsha.snation.kz portalyna qosý arqyly balabaqshalarǵa joldama berý jáne kezekke qoıýdy avtomattandyrý kórsetkishi 100 paıyzǵa jetken. Budan ózge, «Nur Otan» partııasynyń bastamashylyq etýimen «Balalar úshin tegin ІT-synyptar» jobasy usynylǵan bolatyn.
Bul ІT-synyptarda balalar baǵdarlamalaý daǵdylaryna, qarapaıym algorıtmder qurastyrýǵa, Web-saıt jáne kompıýterlik oıyndar men anımatsııalardy qurýdy evropalyq standarttarmen úırenip júr. Jalpy 2018 jyly 20 tegin ІT-synyptar ashylsa, 2019 jyly – 30, 2020 jyly 50 ІT-synyptar ashý josparlanýda.