Túrkistan oblysynda 4 bala koronavırýs juqtyrdy
TÚRKІSTAN. QazAqparat – Túrkistan oblysynda 4 bala koronavırýs ınfektsııasyn juqtyrdy, dep habarlaıdy QazAqparat coronavirus2020.kz saıtyna silteme jasap.
5 mamyr, saǵat 10.00-degi málimet boıynsha, Qazaqstanda indetti juqtyrýdyń jańadan 72 jaǵdaıy anyqtaldy. Onyń ishinde Túrkistan oblysynda 11 naýqas tirkeldi.
«COVID-19 vırýsyn juqtyrǵan adamdarmen baılanysta bolǵan azamattardy tekserý barysynda Arys qalasynyń 28-57 jas aralyǵyndaǵy 6 turǵynynan jáne 3, 7 jáne 14 jastaǵy úsh baladan ınfektsııa anyqtaldy. Sondaı aq, Ordabasy aýdanynda 26 jastaǵy azamattan jáne 5 jasar sábıden alynǵan anılızder olardyń koronavırýs juqtyrǵanyn kórsetti. Qazirgi tańda, naýqastardyń barlyǵy oqshaýlandyrylyp, olarmen jaqyn baılanysta bolǵandar medıtsınalyq baqylaýǵa alynýda», - delingen taratylǵan aqparatta.
