Túrkistan oblysynda 38 jastaǵy kelinshek joǵalyp ketti
1 tamyz kúni Maqtaaral aýdandyq polıtsııa basqarmasyna aryzdanǵan jergilikti turǵyn 1985 jyly týǵan Gúlsim Nardjıgıtovanyń joǵalyp ketkenin habarlaǵan.
Týystarynyń aıtýynsha, 31 shilde kúni saǵat 11:00 shamasynda Dıhan aýylyna shyqqan kelinshek úıine qaıtyp oralmaǵan.
Qazirgi tańda Dıhan aýylynda aýdan ákimdigi men prokýratýranyń, aýdandyq polıtsııa bólimi men aýyldyq bılerdiń, meshit ımamdarynyń jáne aýyl ákimderiniń qatysýymen shtab quryldy.
Áıeldiń belgileri jazylyp, fotosýretteri kórsetilgen aqparattar barlyq qalalyq jáne aýdandyq polıtsııa bólimderine jiberilgen.
Jergilikti turǵyndardan qurylǵan eriktiler de áıeldiń barýy múmkin búkil jaqyn aýmaqtardy tekserip jatyr.
«Gúlsim Nardjıgıtovany izdeý jumystary 24 saǵat boıy júrgizilip jatyr. Onyń boıy 160 sm, orta deneli, shashy uzyn qara tústi. Ústine qyzyl kóılek, aıaǵyna aq tústi jazǵy aıaq kıim kıgen. Qyzyl sómkesi men uıaly telefony bolǵan. Qandaı da bir aqparat bolsa, 8-725-41-21-2-02, 8-747-541-62-56, 102 telefonyna habarlasýlaryńyzdy suraımyz» delingen Túrkistan oblysy polıtsııa departamentiniń baspasóz qyzmeti taratqan aqparatta.
