Túrkistan oblysynda 36 jastaǵy er adam koronavırýstan jazylyp, úıine shyqty
TÚRKІSTAN. QazAqparat – Túrkistan oblysynda COVID-19 ınfektsııasynan jazylǵandar sany taǵy eki adammen tolyqty. Bul týraly oblystyq tótenshe jaǵdaılar shtaby málimet taratty, dep habarlaıdy QazAqparat tilshisi.
«Jetisaı aýdanynyń 1984 jyly týǵan turǵyny men Saryaǵash aýdany, Eńkes aýylynyń 1998 jylǵy turǵyny koronavırýs indetinen tolyq aıyqty. Jalpy 20 sáýirdegi sońǵy aqparatqa sáıkes, óńirde dertten aıyqqan azamattar sany 13 adamǵa jetti» delingen habarlamada.
Aıta keteıik, kúni keshe óńirde qaýipti indetti úsh adam juqtyrǵan bolatyn. Qazyǵurt, Saryaǵash aýdandary men Túrkistan qalasynyń turǵyndarynan COVID-19 ınfektsııasy tabylǵan edi. Barlyq naýqastardyń jaǵdaıy birqalypty, tıisti em qabyldaýda.
Sondaı-aq, atalǵan azamattarmen baılanysta bolǵandardy anyqtaý men oqshaýlaý jumystary júrgizilýde.
