Túrkistan oblysynda 35 jyldan beri qujatsyz júrgen turǵyn kýálik aldy
NUR-SULTAN. QazAqparat – Shardara aýdanynda 35 jyldan beri qujatsyz júrgen turǵynǵa kýálik tapsyryldy, dep habarlaıdy Túrkistan oblystyq Polıtsııa departamentiniń baspasóz qyzmeti.
Shardara aýdandyq Polıtsııa bóliminiń Kóshi-qon qyzmeti toby birshama is-sharalar atqardy. Osy tusta Shardara aýdanynda qujatsyz turyp jatqan azamattardy anyqtap, olarǵa jeke basyn anyqtaıtyn jeke kýálikterin az ýaqyt ishinde daıyndap, tabys etti.
Atap aıtqanda, azamattyǵy joq turǵyn Atash Baıanova 68 jyl buryn Ózbekstan Respýblıkasynda týǵan. 35 jasynda Qazaqstan Respýblıkasyna otbasymen birge kóship kelgen. Alaıda otbasylyq jaǵdaıyna baılanysty barlyq qujattaryn joǵaltyp, tólqujatyn osy ýaqytqa deıin almaǵan.
Atalǵan jaıtqa baılanysty Shardara APB-niń qyzmetkerleri KQQT-men birge Atash Baıanovaǵa qatysty is-qujattaryn jınaqtap, tıisti sharalardy júrgizdi. Tártip saqshylary birshama jumystardy tez arada aıaqtap, jergilikti turǵyndy QR azamattyǵy joq tulǵaǵa beriletin kýáligimen qujattandyrdy.
Sondaı-aq, Núrııa Şennıkova 2004 jyly Túrkimenstan Respýblıkasynan kóship kelgen. Qazirgi tańda qujattarynyń merzimi ótip ketýine baılanysty jeke kýálik berildi.
