Túrkistan oblysynda 35 myńnan astam abonent jaryqsyz qaldy
Qarly boran saldarynan birneshe aýylda elektr jelileri úzilip, isten shyqty. Tańerteńnen beri Túrkistan qalalyq 109 biryńǵaı baılanys ortalyǵyna elektr jaryǵyn qaıta jaǵý máselesimen 518 abonet habarlasqan. Sozaq, Otyrar, Saýran aýdandarynda 35 000 astam abonent jaryqsyz qaldy.
Túrkistan oblysy ákimi baspasóz qyzmetiniń habarlaýynsha, aımaq basshysy Darhan Satybaldynyń tikeleı qadaǵalaýymen jaǵdaıdy retteýge barlyq qurylymdar jumyldyrylǵan. «Ońtústik Jaryq Tranzıt» JShS qalpyna keltirý jumystaryn júrgizip jatyr. Oblystyń basqa eldi mekenderinde elektr energııasy shtattyq rejımde berilip tur.
Qatty daýyl áli de jalǵasady degen boljam bar. Osyǵan oraı, oblystyq tótenshe jaǵdaılar qyzmeti shuǵyl sharalar qabyldap, kúsheıtilgen jumys tártibine kóshti. Turǵyndarǵa alys saparǵa shyqpaý qajettigi eskertildi.
