Túrkistan oblysynda 35 muǵalim jalǵan dıplommen jumys istegen

TÚRKІSTAN. QazAqparat - Túrkistan oblysynda kolledj ben mektep muǵalimderi jalǵan dıplomdarmen jumys istep kelgen, dep habarlaıdy QazAqparat tilshisi.

Oblystyq bilim basqarmasynyń jumysyna tekserý júrgizgen prokýrorlar birqatar zańsyzdyqtyń betin ashty.

Qadaǵalaý organy ókilderiniń aıtýynsha, basqarma tarapynan oqýshylar men stýdentterdi memlekettik tapsyrys boıynsha negizsiz qabyldaýdyń jeti deregi anyqtalǵan. Tekserý barysynda kolledjderde kadrlar daıarlaýǵa memlekettik tapsyrysty oryndaý kezinde de kemshilikterge jol berilgeni belgili boldy. ıAǵnı, tapsyrysty oryndaý barysynda eńbek naryǵyndaǵy qajetti mamandar durys tańdalmaǵan.

«Shetelge shyǵyp ketken bilim alýshylarǵa negizsiz qarjy aýdarý men muǵalimderdiń jalǵan dıplom paıdalaný arqyly jumysqa ornalasqan 35 faktisi anyqtaldy. Bul faktiler boıynsha qazirgi tańda sotqa deıingi tergeý bastaldy»,- deıdi Túrkistan oblystyq prokýratýrasynyń basqarma prokýrory Dýlat Áshirbekov.