Túrkistan oblysynda 300-den astam otbasyna ataýly áleýmettik kómek zańsyz taǵaıyndalǵan
Bul týraly Túrkistan oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva málim etti.
--- Jalpy ýchaskelik komıssııa otbasynyń ataýly áleýmettik kómekke muqtajdyǵy boıynsha qorytyndy beredi. Otbasynyń materıaldyq jaǵdaıyn zerdeleý arqyly muqtajdyǵyn anyqtaıdy. Ýchaskelik komıssııa jibergen kemshilikten 300 –den astam otbasyna 28 mıllıon teńge ataýly áleýmettik kómek zańsyz taǵaıyndalǵan. Qazir sonyń 14 mıllıony keri qaıtaryldy. Zańsyz qarjy tolyǵymen keri qaıtarylýy kerek ,– dedi Ásııa Temirbaeva.
Jalpy bıyl Túrkistan oblysynda 41,5 myń otbasyna 11,2 mlrd teńgege ataýly áleýmettik kómek taǵaıyndalǵan. Olardyń ishinde eńbekke jaramdy 64 656 adamnyń 72,7% jumyspen qamtylǵan. Sondaı-aq, az qamtylǵan otbasylardyń 1-6 jastaǵy balalaryna kepildendirilgen áleýmettik paketter berilgen.
