Túrkistan oblysynda 3,7 myń adam memlekettiń qoldaýymen jeke kásibin bastady
TÚRKІSTAN. QazAqparat - Túrkistan oblysynda «Eńbek» memlekettik baǵdarlamasyna 44 677 adam qatysqan, dep habarlaıdy QazAqparat óńirlik kommýnıkatsııalar qyzmetine silteme jasap.
Osy jumystardy júzege asyrý úshin 24,8 mlrd teńge qaralyp, 1 qyrkúıekke deıin onyń 11,8 mlrd teńgesi nemese 47,7 paıyzy ıgerilgen.
Aıtalyq, baǵdarlamanyń birinshi baǵyty boıynsha 2186 adamdy oqýǵa joldaý, onyń ishinde qysqa merzimdi kásiptik oqytýdan 1211 adam ótedi dep josparlanǵan. Elimizde jarııalanǵan tótenshe jaǵdaıǵa baılanysty qysqamerzimdi kásiptik oqytý jumystary qazan aıynda júrgizile bastady.
Negizinen azamattar shashtaraz, tamaq óndirisi, elektr jáne gaz salasyndaǵy mamandyqtar, fermer sharýashylyǵy, tigin óndirisi jáne basqa da salalar boıynsha oqyp jatyr.
Al, baǵdarlamanyń ekinshi baǵyty boıynsha 5791 adamdy qamtý josparlanǵan. Búginge deıin onyń 482-si shaǵyn nesıe alsa, 3254-i grantqa qol jetkizgen.
Shaǵyn nesıe men grantqa bólingen qarjynyń basym bóligi mal sharýashylyǵyn damytýǵa jáne halyqqa qyzmet kórsetý boıynsha jobalardy iske asyrýǵa jumsaldy.
Máselen, Keles aýdanynyń turǵyny Aqjol Abdazuly «Bastaý-Bıznes» jobasy kásipkerlik negizderine oqyp, 6 jyl merzimge tómen paıyzdyq mólsherlemesimen 4 mln teńge nesıe aldy. Atalǵan qarjyǵa 16 iri qara mal alyp, mal sharýashylyǵyn damytý boıynsha óz isin ashyp, kásipker retinde tirkeldi. Búgingi tańda mal basyn 30 danaǵa deıin kóbeıtip, qosymsha tabys tabýda.
Sondaı-aq, jetisaılyq Elmıra Jalkıeva «Eńbek» baǵdarlamasy arqyly jańa bıznes ıdeıasyn iske asyrý úshin grant utyp, oǵan kir sabyn óndiretin qurylǵy satyp aldy. Atalǵan kásipti otbasymen atqaryp, aıyna orta eseppen 1 tonna, ıaǵnı 5 myń dana kir sabyn óndiredi. Ónimniń ár danasyn 70-80 teńgeden saýdalap, aıyna shamamen 350 myń teńge tabys taýyp otyr.
Úshinshi baǵyt aıasynda 89 930 adamdy qatystyrý josparlansa, búginge deıin 40 941 adam qamtylǵan. Búginde onyń 15 363-i jumysqa ornalasqan.
Qoryta aıtqanda oblys aýmaǵynda bıyl jalpy jumyspen qamtylǵandar sany 40 941 adamǵa jetip otyr. Onyń 14 114-i turaqty, 25 578-i ýaqytsha jumysqa ornalasqan. Olar qurylys, aýyl sharýashylyǵy, bilim, densaýlyq saqtaý salalarynda qyzmet etýde.
Aıta keteıik, bıylǵy ІI toqsandaǵy statıstıkalyq málimet boıynsha, jumyssyzdyq deńgeıi - 5,1 paıyz bolsa, jastar jumyssyzdyǵy - 3,9, al áıelder arasyndaǵy jumyssyzdyq deńgeıi 6,7 paıyzdy quraǵan.
