Túrkistan oblysynda 2700-den astam túp kóknár ekken adam 3 jylǵa sottaldy

TÚRKІSTAN. QazAqparat - Túrkistan oblysynda iri kólemde esirtki ekken egde jastaǵy er adam 3 jylǵa bas bostandyǵynan aıyryldy, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.

Naqtyraq aıtsaq, polıtseılerge Saryaǵash aýdanynyń turǵyny esirtki egýmen aınalysady degen jedel aqparat kelip tústi. Aqparat alysymen tyńǵylyqty tekserý jumystaryn júrgizý úshin tártip saqshylarynan shuǵyl top quryldy. Polıtseıler jan-jaqty jumys júrgizip, aqparat jınaqtady.

Sonyń nátıjesinde kúdikti anyqtalyp, ustaldy. Egde jastaǵy er adamnyń úıine tintý júrgizý kezinde, úıiniń artqy jaǵynda ornalasqan egistik alqabynan egilgen, kútip-baptalǵan esirtkige uqsas ósimdikter tabyldy.

Osylaısha seziktiden aıǵaqty zat retinde 2720 túp ósimdik tárkilenip, olar saraptamaǵa jiberildi.

Saraptama qorytyndysymen alynǵan túpter «kóknár» ósimdigi bolyp shyqty. Jergilikti turǵynnyń esirtki egip-ósirýi boıynsha sotqa deıingi tergeý QR QK-niń 300-babymen Quramynda esirtki zattary bar, ósirýge tyıym salynǵan ósimdikterdi zańsyz ósirý áreketi boıynsha tergeý bastaldy.

Oqıǵanyń tolyq mán-jaıyn anyqtaǵan polıtseıler, isti aıyptaý aktisimen zańdy sheshim qabyldaý úshin sotqa joldady.

«Saryaǵash aýdandyq sotynyń úkimimen 54 jastaǵy er adam QR QK-niń 300-babynyń 2-bóligi 3-tarmaǵyna sáıkes kináli dep tanylyp, 3 jyl merzimge bas bostandyǵynan aıyryldy»,-delingen Túrkistan oblysy Polıtsııa departamentiniń baspasóz qyzmetiniń habarlamasynda.