Túrkistan oblysynda 270 mobıldi top naýqastardy úılerine baryp emdeýde
TÚRKІSTAN . QazAqparat – Túrkistan oblysynda 270 mobıldi top naýqastardy úılerine baryp emdeýde. Bir ǵana Tólebı aýdanyna qarasty Leńgir qalalyq emhanasynyń mamandary nebári 10 kún ishinde 300-den astam adamnyń ómirine arasha boldy, dep habarlaıdy QazAqparat tilshisi.
Tólebı aýdanyndaǵy top koronavırýs ınfektsııasyn juqtyrǵan 11 sımptomsyz naýqas pen pnevmonııaǵa shaldyqqan 23 azamatty anyqtap, der kezinde medıtsınalyq kómek kórsetken. Barlyq naýqastar birden aýrýhanaǵa jetkizilýde. Al, oblys boıynsha qazir dál osylaı aptasyna 24 saǵat boıy 270 mobıldi top qyzmet kórsetýde. Bir dáriger jáne 2 orta býyn medıtsınalyq qyzmetkeri jumyldyrylǵan toptar tolyǵymen jeńil avtokóliktermen qamtamasyz etilgen. Olarǵa oblys ákimdigi tarapynan 161 kólik berilgen. Emhanalar janynan COVID-19 jáne pnevmonııa belgileri bar naýqastarda aýrýdyń asqynýynyń aldyn alýǵa, aýrýhanadan shyqqan soń baqylaýda ustaý úshin qurylǵan mobıldi toptar sozylmaly aýrýlary bar patsıentterge de úıde qyzmet kórsetýde.
Júkti áıelder men balalarǵa kórsetilimderi boıynsha patronaj júrgizýde. Azamattarda JRVI/KVI/tumaý/pnevmonııa belgileri paıda bolǵan jaǵdaıda, tolyq medıtsınalyq tekserý júrgizedi. Qyzmettiń bul túri halyq úshin tegin. Emhanalarǵa aqyny «Áleýmettik medıtsınalyq saqtandyrý qory» tóleıdi dep josparlanǵan.
