Túrkistan oblysynda 27 myńnan astam oqýshy tegin tamaqpen qamtylǵan
TÚRKІSTAN. QazAqparat – Túrkistan oblysynda 27 myńnan astam oqýshy tegin ystyq tamaqpen qamtylǵan, dep habarlaıdy QazAqparat Óńirlik kommýnıkatsııalar qyzmetine silteme jasap.
Túrkistan oblysy boıynsha 746 memlekettik jalpy orta mektepte 409 971 (98,3%) oqýshyǵa ystyq tamaq uıymdastyrylǵan. Onyń ishinde 27 368 balaǵa tegin ystyq tamaq berilýde.
Atap aıtqanda, oblysta turmysy nashar otbasynan shyqqan 1-4 synyptyń - 11 833 oqýshysy (100%), 5-11 synyptyń - 15 535 oqýshysy (100%) ystyq tamaqpen qamtylýda.
Sonymen qatar, QR Úkimetiniń 2012 jylǵy 12 naýryzdaǵy №320 qaýlysyna sáıkes, 905 jalpy orta mektepte 28 656 bala tegin býfettik taǵammen qamtylǵan. Budan ózge, oblystyq adamı áleýetti damytý basqarmasyna qarasty 20 mektep-ınternattyń ashanalaryn jańǵyrtý jáne paıdalanýǵa berý boıynsha -irikteý jumystary tolyqtaı júrgizildi. Jekeshe áriptesti aıqyndaý tikeleı kelissózder tásilimen júzege asyrylýda.
