Túrkistan oblysynda 26 myńnan asa turǵyn úı men nysan jaryqsyz qaldy
Túrkistan. QazAqparat - Túrkistan oblysyndaǵy alapat daýyl búgin de basylmaı tur. Sonyń saldarynan 51 eldimekende turatyn 26 myńdaı tutynýshy jaryqsyz qaldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, qatty daýyldan adamdar jaraqat almaǵan. Tabıǵattyń tosyn minezinen Arys qalasy men Saıram, Otyrar, Báıdibek, Ordabasy aýdandarynda úılerdiń shatyry ushyp, jaryq sónip qalǵan. Búginde jaryqqa jaýapty mekemeniń 25 brıgadasy jumysqa kiristi. 80-nen astam jumysshy men 22 birlik tehnıka tartylǵan. Olar úzilgen jelilerdi jalǵap, qaıta qalpyna keltirý jumystaryn júrgizip jatyr. Qatty daýyl áli de jalǵasady degen boljam bar.
«Endi «Qazgıdromedtiń» berip otyrǵan málimetine sáıkes, daýyldy jel búgin de saqtalady. Keı jerlerde daýyldy jel turýy múmkin. Osyǵan baılanysty búkil oblys, aýdan-qalalarda ákimdik tarapynan shuǵyl shtabtar qurylyp, barlyq qyzmetker kúsheıtilgen qyzmet túrine kóshirildi», - deıdi Túrkistan oblystyq TJD bastyǵynyń orynbasary Erik Sarybasov.
