Túrkistan oblysynda 250 adamdy jumyspen qamtıtyn kıim tigý tsehy iske qosylady
TÚRKІSTAN. QazAqparat - Tólebı aýdanynda jalpy quny 735 mln teńgeni quraıtyn 2 iri ınvestıtsııalyq joba iske asyrylýda. Nátıjesinde 250 adam jumyspen qamtylady, - dep habarlaıdy QazAqparat tilshisi.
Qazirgi tańda Lengir qalasynan quny 550 mln teńge bolatyn «KAZPLAST» JShS kıim tigý tsehynyń qurylys jumystary júrgizilýde. Joba 2022 jyly iske qosylsa, 250 adam jumyspen qamtylady. Sondaı-aq «Balmuzdaq» JShS ónim kólemin ulǵaıtý maqsatynda qural-jabdyqtar alýǵa 185 mln teńgege ınvestıtsııa tartyp otyr. Aýdanda ónerkásip salasynda 2021 jyldyń basynan 36 mlrd 236 mln teńgeniń ónimi óndirilgen.
«Aýdanda negizgi kapıtalǵa baǵyttalǵan ınvestıtsııalar kólemi 2021 jyldyń 9 aıynda 10 mlrd 946 mln teńgege jetip, byltyrǵy jyldyń tıisti kezeńimen salystyrǵanda 14,6 paıyzǵa artty. Sondaı-aq aýdanda 7 163 kásipkerlik sýbektisi jumys isteıdi. Olarda jumyspen qamtylǵandar sany — 15 902 adam. Kásipkerlik sýbektilerniń óndirgen ónim kólemi 33 mlrd 317 mln teńgeni qurady», — dedi aýdan ákimi Tólegen Telǵaraev.
Sonymen qatar «Bıznestiń jol kartasy – 2025» bıznesti qoldaý men damytýdyń biryńǵaı memlekettik baǵdarlamasy aıasynda 10 mln teńgege 2 joba iske asýda. Olar «Qurǵaq sháıdi fasovka jasaý» jáne «Saýmal-qymyzben emdeý ortalyǵy» jobalary.
