Túrkistan oblysynda 240 myńǵa jýyq adam revaktsınatsııadan ótti
Qazirgi tańda Túrkistan oblysy koronavırýs ınfektsııasynyń aýrýshańdyǵy boıynsha Respýblıka boıynsha «jasyl» aımaqta. Oblys aýmaǵynda revaktsınatsııa jalǵasýda. Jalpy revaktsınatsııa úshin 570 250 vaktsına jetkizilip, 238 432 adam ekpe qabyldaǵan. Bul týraly búgingi brıfıngide Túrkistan oblysy Qoǵamdyq densaýlyq basqarmasy basshysynyń orynbasary Altyn Dosanova málimdedi.
«Túrkistan oblysynda «Pfizer» kompanııasynyń «Komırnatı» vaktsınasyn egý jumystary jalǵasýda. Oblystyq vaktsına saqtaý qoımasyna ekpeniń 442 610 dozasy jetkizilgen. Qazirgi sátte vaktsınanyń І-komponenti 166 918 adamǵa, II-komponenti 95 934 adamǵa egildi. Eskere ketetin jaıt, jasóspirimderge ekpe egý jumystary ata-anasynyń ruqsatymen nemese zańdy ókiliniń kelisimimen júzege asyrylady»– dedi Altyn Meırambaıqyzy.
Sonymen qatar, oblystaǵy medıtsınalyq mekemelerde dárilik zattar men medıtsınalyq qural-jabdyqtardyń 2 aılyq rezervtik qory bar. «SQ-Farmatsııa» JShS dári-dármek pen qural-jabdyqtardyń qosymsha qoryna tapsyrys berilip, olardyń kezekten tys jetkizilý jumystary uıymdastyrylǵan. Vaktsınatsııalaý jumystary oblys kóleminde josparǵa sáıkes júrgizilýde.
