Túrkistan oblysynda 238 qoǵamdyq kólik jańartyldy
TÚRKІSTAN. QazAqparat - Túrkistan oblysynda ótken jyly 238 qoǵamdyq kólik jańartyldy, dep habarlaıdy QazAqparat óńir ákimdigine silteme jasap.
238 avtobýstyń 66-sy 2018-2019 jyldary shyqqan jańa kólikter.
«Sondaı-aq, ótken jyly oblys ortalyǵy – Túrkistan qalasynda 26 jańa avtobýs satyp alyndy. Al jalpy alǵanda oblysta jolaýshylar tasymaldaýshy 44 mekeme jáne 1300 kólik qyzmet kórsetedi. Budan bólek, áleýmettik mańyzy bar baǵyttardy sýbsıdııalaý jumystary da oıdaǵydaı júzege asýda. Aıtalyq, byltyr 7 aýdan ákimdigi tarapynan (Saryaǵash, Túlkibas, Otyrar, Kentaý, Tólebı, Qazyǵurt, Shardara) áleýmettik mańyzy bar 17 baǵytqa 55,2 mln teńge sýbsıdııa bólindi. Sonymen qatar, oblysta áleýmettik mańyzy bar 83 baǵyt anyqtalyp, oblystyq máslıhatpen aıqyndalyp otyr. Osy jumystardyń nátıjesinde 2019 jyly aýdanaralyq, oblysaralyq baǵyttarǵa 3 konkýrs ótkizilip, 8 tasymaldaýshymen 18 baǵytqa kelisimsharttar jasaldy», - dep málim etti oblys ákimdiginiń baspasóz qyzmetinen.
