Túrkistan oblysynda 200-ge jýyq polıtseı marapattaldy
TÚRKІSTAN. QazAqparat - Túrkistan oblysynda «Qazaqstan polıtsııasy kúnine» 27 jyl tolýyna oraı saltanatty shara ótkizildi, dep habarlaıdy QazAqparat tilshisi.
Jeńis saıabaǵynda ótken jıynǵa Polıtsııa departamentiniń bastyǵy, polıtsııa general-maıory Qaırat Dálbekov pen apparat jetekshileri, jeke quramy men ishki ister organdarynyń ardagerleri, qyzmettik mindetteri oryndaý kezinde qaıtys bolǵan tártip saqshylarynyń jaqyndary men týǵan-týystary jáne basqa qurmetti qonaqtar qatysty.
Polıtsııa departamentiniń uıymdastyrýymen ótken saltanatty jıynǵa qatysýshylar qıyn da qaýipti qyzmet babynda qaza tapqan batyr polıtseılerdi eske alyp, dańq memorıalyna gúl shoqtaryn qoıdy. Jańadan jumysqa qabyldanǵan jas polıtsııa qyzmetkerleri ant qabyldap, ardagerlerdi marapattaý rásimi ótti. Arnaıy daıarlyq jáne jumyldyrý basqarmasynyń saqshylary qylmyskerlerdi ustaý kezindegi is-qımyldaryn kórsetip, jınalǵandardy ózderiniń myqtylyǵymen tánti etti. 
Oblystyq Polıtsııa departamentiniń bastyǵy Qaırat Dálbekov pen Ardagerler keńesiniń tóraǵasy O.Janqojaev polıtseılerdi merekelerimen quttyqtap, izgi tilekterin jetkizdi.
Merekelik shara sondaı-aq, Túrkistandaǵy mádenıet úıinde jalǵasyn tapty. Onda óziniń qyzmettik mindetterin adal atqaryp, joǵary kórsetkishterge qol jetkizgenderi úshin birqatar polıtseıler marapattaldy. Atap aıtqanda, QR ІІM tarapynan 15 polıtseıge túrli dárejedegi marapattar usynylsa,TO PD-niń bastyǵy, polıtsııa general-maıory Qaırat Dálbekov 30-dan astam polıtseıge gramota tabys etti. 40-qa jýyq qyzmetkerdi alǵys hatpen marapattap, 50 tártip saqshysyna alǵys jarııalady.
Sonymen qatar, polıtsııa qyzmetkerleri oblys ákiminiń alǵys hatymen, máslıhat atynan, Nurotan partııasy tarapynan, Q.A.ıAssaýı atyndaǵy HQTÝ atynan alǵys hattar aldy. Budan bólek, Departament bastyǵynyń buıryǵymen keıbir polıtseılerdiń tártiptik jazalary alynyp tastaldy.
Saltanatty is-shara sońy daryndy polıtseıler men oblystyq estrada juldyzdarynyń merekelik kontsertine ulasty.
