Túrkistan oblysynda 20 jyldan astam qujatsyz júrgen áıelge kómek kórsetildi
TÚRKІSTAN. QazAqparat - Túrkistan oblysynda 20 jyldan astam qujatsyz júrgen áıelge kómek kórsetildi. Ózbekstan Respýblıkasynda dúnıege kelgen Shahnoza Madamınova 1998 jyly Sozaq aýdanyna kóship kelip, tórt balany dúnıege ákelgen, dep habarlaıdy QazAqparat tilshisi.
Qazirgi tańda Syzǵan aýylynda turatyn kelinshek osy kúnge deıin qujatsyz júrgen. Arnaıy mobıldik toptyń reıd jumystaryn júrgizý kezinde Shahnozanyń qujatsyz júrgendigi anyqtalyp, kóshi-qon polıtseıleri birden kómek qolyn sozǵan. Elshilik arqyly baılanysqa shyǵyp, jan-jaqty jumystar júrgizilgen. Búginde ol «Azamattyǵy joq kýáligimen» rásimdeldi. Endigi kezekte basqa da qujattarynyń jasalýy jolynda jumystar atqarylmaq. Óz kezeginde Shahnoza polıtseılerge shynaıy rızashylyǵyn jetkizip, alǵys aıtty.
