Túrkistan oblysynda 20 jyl halyqaralyq izdeýde júrgen sheteldik ustaldy

TÚRKІSTAN. QazAqparat – Túrkistan oblysynyń polıtseıleri 20 jyl buryn Ózbekstanda adam óltirip Qazaqstan aýmaǵynda júrgen kúdiktini ustady, dep habarlaıdy QazAqparat Rolisia.kz-ke silteme jasap.

«Túrkistan oblysynyń Polıtsııa departamenti Krımınaldyq polıtsııa basqarmasynyń qyzmetkerleri qylmystyq is boıynsha ótkizgen jedel-izdestirý is-sharalary barysynda 20 jyl boıy halyqaralyq izdeýde júrgen qylmyskerdi anyqtady.

Tártip saqshylary Jetisaı aýdanynyń aýmaǵynda aýyr qylmys jasaǵany úshin izdeýde júrgen Ózbekstan azamatyn anyqtap, ustady.

Er adam 2002 jyly kórshi memlekette adam óltirgeni úshin halyqaralyq izdeýde ekeni belgili boldy», - dedi Túrkistan oblysynyń Polıtsııa departamenti Krımınaldyq polıtsııa basqarmasynyń bastyǵy Sultanbek Úsipbekov.

Jeke basyn anyqtaý jáne qajetti qujattardy jınaqtaý maqsatynda kúdikti retinde ustalǵan sheteldik aýdan polıtsııasynyń bólimine jetkizildi. Er adam qamaýǵa alyndy.