Túrkistan oblysynda 2 jasar bala ózenge batyp ketti

TÚRKІSTAN. QazAqparat – Túrkistan oblysynda 2 jasar bala ózenge qulap, kóz jumdy, dep habarlaıdy QazAqparat Tótenshe jaǵdaılar mınıstrligine silteme jasap.

4 naýryz kúni saǵat 18.00-de Túrkistan oblystyq Tótenshe jaǵdaılar departamentiniń «112» pýltine Báıdibek aýdany Boraldaı aýyldyq okrýginiń Joǵarǵy Boraldaı aýylynyń turǵyndary 2020 jyly týǵan balanyń denesin (qulaǵan jerden 1 shaqyrym jerden) sýdan alyp shyqqany týraly habarlama tústi.

Aldyn ala málimet boıynsha, 4 naýryz kúni kúndiz ata-anasynyń qaraýynsyz qalǵan sábı sýǵa túsýge jabdyqtalmaǵan jerde – úıge jaqyn mańdaǵy ózenge qulap ketken.

Oqıǵa ornyna Túrkistan oblysy TJ departamentiniń, kezekshi tergeý-jedel tobynyń qyzmetkerleri bardy», - delingen mınıstrlik málimetinde.

Qutqarýshylar balalardy qaraýsyz qaldyrmaýǵa, qaýipsizdik erejelerin saqtaýǵa shaqyrady.