Túrkistan oblysynda 2 myń shaqyrym jol jóndeledi
TÚRKІSTAN. QazAqparat – Túrkistan oblysynda 2 myń shaqyrym jol jóndeledi. Bul týraly QazAqparat ákimdiktiń baspasóz qyzmetine silteme jasap habarlaıdy.
Oblys boıynsha 2021 jylǵa josparlanǵan avtomobıl joldary salasyn damytýdyń oryndalýy týraly Túrkistan oblsynyń ákimi Ómirzaq Shókeevtiń tóraǵalyǵymen ótken apparat otyrysynda baıandaldy.
Bıylǵy avtomobıl joldary salasyn damytýǵa bólingen qarjyǵa Túrkistan oblysynda 600-den astam nysan, ne 2 myń shaqyrymǵa jýyq jol men kósheler qamtylǵan. Onyń jartysyna jýyǵy jergilikti mańyzy bar joldarǵa, ıaǵnı oblystyq, aýdandyq jáne eldi meken kóshelerin jańartýǵa baǵyttalǵan.
Maqtaaral, Jetisaı, Keles aýdandarynda uzyndyǵy 50 shq. joldar kúrdeli jáne ortasha jóndeýden ótkizilýde. Odan bólek, osy aýdandarda Túrkistan oblysy ákiminiń tapsyrmasymen jalpy uzyndyǵy 180 shq. asatyn 11 oblystyq mańyzy bar avtomobıl joldary jol betin óńdeý ádisimen jóndeýden ótkizilýde. Jaqyn kúndiredi bul joldar tolyqtaı paıdalanýǵa beriledi.
Bıyl Túrkistan-Kentaý, Túrkistan-Baltakól, Aqsýkent-Qaramurt, Shymkent-Saıram, Sharaphana-Jańabazar, Arys-Shardara baǵyttaryndaǵy joldardy paıdalanýǵa berý jáne Maqtaaral, Jetisaı, Keles aýdandaryndaǵy oblystyq mańyzy bar avtomobıl joldaryndaǵy jumystaryn aıaqtalýǵa jaqyn.
Al, Túrkistan qalasyna Kentaý qalasynan kireberis 26,6 shq joldy qaıta qurý jumystary bastaldy. Túrkistan - Baltakól, Túrkistan-Qarnaq-Kentaý baǵyttarynda 80 shq. jol jyl sońyna deıin paıdalanýǵa beriledi. Sonymen qatar, Túrkistan-Qarnaq-Kentaý, Kentaý-Aşysaı baǵyttaryndaǵy 87 shq. joldardy jóndeýge tıisti qarjysy qaraldy. Shardara-Arys baǵytyndaǵy jalpy uzyndyǵy 41 shq joldyń kúrdeli jóndeý jumystary jaqyn kúnderi tolyq aıaqtalady.
Aqsýkent-Qaramurt, Shymkent-Saıram, Shymkent-Kóksáıek baǵyttaryndaǵy 50 shq. kúre joldar jóndelýde. Otyrar aýdanynyń Sháýildir-Kóksaraı-Baıyrqum jáne Otyrar qalashyǵy baǵyttarynda joldy ortasha jóndeýge tıisti qarjy qaraldy. Ordabasy aýdanynyń Temirlan-Qyzylseńgir, Qaınar-Uıalyjar, Badam-Shubar baǵyttaryndaǵy joldarǵa ortasha jóndeý jumystary júrgizilýde. Nysandar keler jylǵa ótpeli. Qazyǵurt, Túlkibas, Sozaq, Báıdibek, Tólebı aýdandary men Arys qalasynda joldardy jóndeý jumystary jalǵasýda.
