Túrkistan oblysynda 2 mekteptiń lıtsenzııasy toqtatylyp, aıyppul salyndy
TÚRKІSTAN. QazAqparat - Túrkistan oblysynda jyl basynan beri 93 ótinish tirkelip, tekserý nátıjesinde 8 laýazymdy jáne zańdy tulǵa ákimshilik jaýapkershilikke tartylǵan, dep habarlaıdy QazAqparat.
Bilim zańnamasyn buzǵany úshin 12 laýazymdy tulǵaǵa nusqama berilgen.
Sondaı-aq, eki mekteptiń lıtsenzııasy ýaqytsha toqtatylyp, 115 aılyq eseptik kórsetkish kóleminde aıyppul salyndy.
Bul týraly óńirlik kommýnıkatsııalar ortalyǵynda ótken brıfıngte oblystyq bilim salasynda sapany qamtamasyz etý departamentiniń basshysy Baqytjan Muhamedjanov málimdedi.
«Memlekettik baqylaý sharalaryn oryndaý barysynda josparǵa sáıkes, bıylǵy jyldyń 1-jartyjyldyǵynda profılaktıkalyq baqylaý júrgizilgen. Nátıjesinde 30 bilim uıymynda kemshilikter anyqtalyp, nusqama berildi. Budan ózge, departament tarapypynan QR «Pedagog mártebesi týraly» zańynyń talaptaryn buzǵany úshin 2 laýazymdy tulǵaǵa shara qoldanyldy. Sondaı-aq, zańnamaǵa sáıkes balalardyń bilim uıymdaryndaǵy sabaqqa durys qatysýyn qamtamasyz etpegeni úshin ata-analardy ákimshilik jaýapkershilikke tartý týraly qaýly shyǵyp, 29 170 teńge kóleminde aıyppul salyndy»,- dedi Baqytjan Qaljanuly.
Departament tarapynan oblys aýmaǵyndaǵy mektepterde bilim berý uıymymen bekitilgen pedagogıkalyq ádep boıynsha keńestiń qurylmaýy, pedagog-zertteýshilerdiń, pedagog-sheberlerdiń úlesi 35 %-dan kem bolýy syndy derekter anyqtalǵan.
