Túrkistan oblysynda 170 mln aǵash kósheti otyrǵyzylady
NUR-SULTAN. QazAqparat – Túrkistan oblysynda 2021-2025 jyldar aralyǵynda 110 210 gektar aýmaqqa 170 mln aǵash kósheti otyrǵyzylady, dep habarlaıdy oblystyq ákimdiktiń baspasóz qyzmeti.
Qazirdiń ózinde «Jasyl beldeýdiń» aýmaǵy 13 myń gektardan asty. Jyl sońyna deıin 20 myń gektarǵa jetkizý josparlanǵan. Bul týraly búgin Óńirlik kommýnıkatsııalar qyzmetinde ótken brıfıngte oblystyq Tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıev málimdedi.
Onyń sózinshe, aıtylǵan mejeni oryndaý úshin oblys ákimdigi men Ekologııa, geologııa jáne tabıǵı resýrstar mınıstrligi birlesip keshendi jospar qabyldaǵan.
«Memleket basshysy óziniń halyqqa arnaǵan Joldaýynda elimizdiń orman qoryna 2 mlrd túrli aǵash kóshetterin otyrǵyzý jóninde tapsyrma bergeni barshaǵa málim. Osy mindetti oryndaý úshin óńirimizde tıisti jumystar josparǵa sáıkes atqarylyp keledi. Aldaǵy ýaqytta jylyna 35-40 mln túp aǵash kóshetin óndirip, belgilengen aýmaqqa otyrǵyzylady», – dedi Q.Amangeldiuly.
Basqarma basshysy Túrkistan qalasy qatań ekologııalyq aımaqqa jatatynyn aıta kele kóshetterdiń ónip ketýi birshama qıyndyqtar týdyryp jatqanyn jasyrmady. Degenmen, jas kóshetterdi der kezinde kútip baptaý jumystarynyń arqasynda aǵashtardyń ónimdiligi 65-70 paıyzǵa jetken. Ormandy molaıtý jáne orman ósirý salasyndaǵy jumystardy júıeli túrde oryndaý úshin shtattyq birlikter men tehnıkalar alynǵan.
