Túrkistan oblysynda 17 mektepte muǵalimderdi óz mindetinen tys jumysqa tartqan
TÚRKІSTAN. QazAqparat - Túrkistan oblysynyń bilim salasynda sapany qamtamasyz etý departamenti bıylǵy alty aıda 33 profılaktıkalyq baqylaý júrgizip, barlyq bilim uıymyna nusqama bergen.
Sonymen qatar, 2020 jyldyń 2-jartyjyldyǵynda jospar boıynsha 24 bilim uıymyna baqylaý júrgiziledi. Búgingi tańda 10 profılaktıkalyq baqylaý júrgizilip, oryn alǵan kemshilikterdi joıý úshin nusqama berilgen. Oryndalý merzimi baqylaýǵa alynǵan.
Bul týraly óńirlik kommýnıkatsııalar qyzmetinde ótken brıfıngte departament basshysy Baqytjan Muhamedjanov málimdedi.
Sondaı-aq, 2020 jyldyń basynan beri bilim uıymdaryn lıtsenzııalaý boıynsha 68 ótinish túsip, 52-si qanaǵattandyrylǵan.
Departamentke jeke jáne zańdy tulǵalardan 9 aıda 155 ótinish tirkelip, 18-i boıynsha tekserý taǵaıyndaldy. 9 laýazymdy jáne zańdy tulǵalar ákimshilik jaýapkershilikke tartylǵan. Bilim zańnamasyn buzǵany úshin 14 laýazymdy tulǵaǵa nusqama berildi.
Tórt mekteptiń lıtsenzııasy ýaqytsha toqtatylyp, 90 AEK kóleminde aıyppul salynǵan.
«Ótinishterge júrgizilgen taldaý nátıjesinde bilim salasyndaǵy memlekettik bilim uıymdarynyń basshylaryn taǵaıyndaýdaǵy jáne oqýshylar olımpıadasyn ótkizýdegi buzýshylyqtar, pedagogtardyń aptalyq júktemesin durys bólmeý, bilim uıymynyń basshylarynyń muǵalimderdi mindetine kirmeıtin jumystarǵa júkteýi, mamandandyrylǵan bilim uıymdaryna oqýshylardy qabyldaýdaǵy buzýshylyqtar, pedagogtardyń ádep normalaryn saqtamaýy syndy jaıttar oryn alǵan», - dedi departament basshysy.
Túrkistan oblysynyń bilim salasynda sapany qamtamasyz etý departamenti QR «Pedagog mártebesi týraly» zańynyń talaptaryn saqtaý aıasynda oblystyń birqatar bilim uıymdarynda zańbuzýshylyqtarǵa jol berilgenin anyqtaǵan.
Bul ister QR Ákimshilik quqyq buzý kodeksiniń 409-babymen rásimdelip, ákimshilik shara qoldanylady.
Jyl basynan beri zańnama talaptaryn buzý, pedagog mindetine kirmeıtin júktemelerdi mindetteý jáne pedagogıkalyq etıkany saqtamaý faktileri 17 bilim uıymynda oryn alǵan.
Onyń ishinde QR «Pedagog mártebesi týraly» Zańynyń talaptaryn saqtamaǵan 10 bilim uıymy basshylaryna ákimshilik is qozǵalyp, jazaǵa tartylǵan.
