Túrkistan oblysynda 151 bala ishek ınfektsııasyn juqtyrdy

TÚRKІSTAN. QazAqparat - Túrkistan oblysynda jyl basynan beri 151 bala ishek ınfektsııalaryn juqtyrdy, dep habarlaıdy QazAqparat tilshisi.

Jyl basynan bergi alty aı ishinde óńirde 185 turǵyn ishek ınfektsııalaryn juqtyrǵan. Onyń ishinde 14 jasqa deıingi 151 bala bar.

Túrkistan oblystyq sanıtarııalyq-epıdemıologııalyq baqylaý departamenti mamandarynyń sózinshe jalpy aýrýshańdyq ótken jyldyń sáıkes kezeńimen salystyrǵanda 1,2 esege tómendegen.

«Juqpaly ishek aýrýlary jaz aılarynda órshı túsedi. Asqazan-ishek joldaryna bakterııalar men vırýstardyń túsýiniń nátıjesinde asqazan-ishek joldarynyń zaqymdanýymen júretin juqpaly aýrýlar toby. Qozdyrǵyshtary adamǵa alımentarly, aýyz-nájis jolymen jáne jeke bas gıgıena talaptardy saqtamaǵannan juǵady», - deıdi sanıtar mamandar.

Dárigerler aýrýdyń aldyn alý úshin jeke bas gıgıenasyn saqtaý kerektigin eskertedi.