Túrkistan oblysynda 150 mln dollarǵa kún elektr stansasy salynady
TÚRKІSTAN. QazAqparat - Premer-Mınıstr Asqar Mamınniń Túrkistanǵa jumys sapary barysynda jalpy qýattylyǵy 100 mVt quraıtyn kún elektr stansasyn salý jóninde memorandým jasaldy, dep habarlaıdy QazAqparat óńir basshysynyń baspasóz qyzmetine silteme jasap.
Kelissóz Túrkistan oblysynyń ákimdigi men «KazPV LTD» JShS arasynda júrdi. Jobanyń jalpy quny - 150 mln AQSh dollary. Kún elektr stansasy qazaqstandyq kremnıı negizinde fotoelektrlik modýlderdi paıdalanady. Stansanyń jalpy qýattylyǵy 100 mVt quraıdy.
Joba 2019-2021 jyldary iske asyrylatyn bolady. Ornalasatyn naqty mekenjaıy anyqtalýda. Jalpy aýmaǵy 150 gektardy quraıdy. Kún elektr stansasy iske qosylǵanda 100 adam turaqty jumyspen qamtylmaq.
