Túrkistan oblysynda 15 jasar qyzdy zorlady degen kúdikpen ógeı ákesi qamaýǵa alyndy

TÚRKІSTAN. QazAqparat - Túrkistan oblysynda 15 jasar qyzdy zorlady degen kúdikpen ógeı ákesi qamaýǵa alyndy, dep habarlaıdy QazAqparat tilshisi.

Oqıǵa Tólebı aýdanynda bolǵan.

Áleýmettik jelidegi jazbalarǵa júginsek, jasóspirimdi ógeı ákesi úsh jyl boıy zorlap kelgen.

Tipti, er adam bolǵan oqıǵany vıdeoǵa túsirip alyp, ınternette taratamyn dep qorqytqan.

Bul máselege pikir bildirgen Túrkistan oblystyq polıtsııa departamentiniń baspasóz qyzmeti kúdikti retinde Tólebı aýdanynyń turǵyny anyqtalyp, ustalǵanyn málimdedi.

«Polıtseıler QR QK 120-baby boıynsha sotqa deıingi tergeý júrgizip jatyr. Kúdikti retinde Tólebı aýdanynyń turǵyny qamaýǵa alyndy. Tıisti saraptamalar taǵaıyndaldy. Sotqa deıingi tergeý barysy Túrkistan oblysy polıtsııa departamenti basshylyǵynyń baqylaýynda» - delingen resmı málimette.