Túrkistan oblysynda 15 ardager 1,5 mln teńgeden bir rettik materıaldyq kómek alady
Túrkistan oblysynda ekinshi dúnıejúzilik soǵystyń 15 ardageri bar. Odan bólek, 150 adam soǵys qatysýshylary men múgedekterine teńestirilgen.
Eń qart ardager, 102 jastaǵy Rsmet Djumaǵulov Tólebı aýdanynyń Lengir qalasynda turady. Al, eń kishisi túrkistandyq Ábjappar Daırabaıuly bıyl 96 jasqa tolyp otyr.
Uly Jeńis merekesiniń qurmetine oraı, ardagerlerge bir rettik materıaldyq kómek berý úshin bıýdjet esebinen 175,5 mln teńge qarajat bólingen. Onyń ishinde 15 ardagerge 1,5 mln teńgeden beriledi. Al, 4 420 tyl eńbekkeri men qaza bolǵan jaýyngerlerdiń jesirlerine 30 000 teńgeden, blokadalyq Lenıngradtyń 2 turǵynyna 60 000 teńgeden, kámeletke tolmaǵan burynǵy tutqyndarǵa jáne teńestirilgen basqa da sanattarǵa 100 000 teńgeden bir rettik materıaldyq kómek tólenedi.
Oblys boıynsha soǵysqa qatysty 324 eskertkish, 79 memorıal, monýmenttik keshender bar. Búginde barlyǵynda jóndeý jáne abattandyrý jumystary júrgizilip jatyr. Barlyq aýdan ortalyǵynda jáne qalalarda ardagerlerdiń sýretterinen úlken bılbordtar jasalyp, kóshe boılaryna ilinedi.
Saýyqtyrý sharalaryn júrgizý maqsatynda 15 ardagerge medıtsınalyq qyzmet kórsetilip, barlyǵy dıspanserlik tekserýden ótkizilgen.
