Túrkistan oblysynda 140 jedel járdem brıgadasy qyzmet kórsetedi

TÚRKІSTAN. QazAqparat- Túrkistan oblysy aýmaǵynda 140 jedel járdem brıgadasy qyzmet kórsetedi. Jalpy qala men aýdandarda 22 beket, 1 operatıvti jáne 1 medıtsınalyq avıatsııa bólimi bar, dep habarlaıdy QazAqparat tilshisi.
None
None

Óńirdiń jedel járdem qyzmetinde 36 dárigerlik jáne 104 feldsherlik brıgada qyzmet atqarady.

Oblystyq jedel medıtsınalyq járdem stantsııasy basshysynyń orynbasary Aqaısha Amanjolovanyń aıtýynsha, oblysta 177 sanıtarly avtokólik bar.

Kólikterde der kezinde jedel medıtsınalyq kómek kórsetý úshin defıbrıllıator, kardıostımýlıator, kardıoversııa, kardıomonıtor, elektrokardıograf, IVL, ottegimen jáne elektrlik, mehanıkalyq sorǵysh apparattarymen qamtylǵan.

Al, Túrkistan qalasynyń ortalyq aýrýhanasy ótken jyly jańa ǵımaratqa kóshti. Aýrýhananyń bas dáriger Janbolat Dildábekovtiń sózinshe, emdeý mekemesi boıynsha barlyq tósek-oryn sany – 340.

Aýrýhana kompıýterlik tomograf, rentgen, jeke medıtsınalyq gaz stantsııasymen jabdyqtalǵan.

Ondaǵy palatalar 2-3 naýqasqa arnalǵan jáne ortalyqtandyrylǵan ottegimen, taza aýyz sýmen qamtylǵan. Naýqastarǵa 150 bilikti maman qyzmet kórsetedi.

Aýrýhananyń qurylymynda 12 klınıkalyq bólimshe, paraklınıkalyq bólimsheler, klınıkalyq, bakterıologııalyq, serologııalyq zerthanalar, endoskopııa, ÝDZ, rentgen, KT kabınetteri, dárihana bar.

Qosymsha ýrologııa, otorınolarıngologııa, pýlmonologııa, gınekologııa, jaq-bet hırýrgııa bólimsheleri qyzmet kórsetedi.


Сейчас читают