Túrkistan oblysynda 13 jastaǵy balany zorlaý oqıǵasy boıynsha tergeý bastaldy
TÚRKІSTAN. QazAqparat - Túrkistan oblysynda 13 jastaǵy jasóspirimdi zorlaý oqıǵasy boıynsha qylmystyq is qozǵalyp, sotqa deıingi tergeý sharalary bastaldy. Bul týraly oblystyq ІІD baspasóz qyzmetiniń jetekshisi Saltanat Qarakózova málim etti, dep habarlaıdy QazAqparat tilshisi.
Aıta keteıik, keleńsiz jaǵdaı Saryaǵash aýdanynda qarasty Jylǵa aýylynda bolǵan edi. Osy aýyldyń turǵyny polıtsııaǵa mektep- ınternatta jatyp oqıtyn 13 jastaǵy ulyn sol mekteptegi aǵaıyndy eki balanyń bir jyl boıynda zorlap kelgenin málim etken. Bul jaǵdaıdy balanyń anasy jýyrda ǵana bilgenin aıtqan. Ol jergilikti polıtsııaǵa aryzdanǵanymen, shara qoldanbady dep aıyptaǵan bolatyn. Mektep basshylyǵy da isti jaýyp jiberýge tyrysqanyn jetkizgen edi. Dese de óńirlik polıtsııa ókilderi atalǵan jaǵdaıǵa baılanysty tıisti saraptamalar taǵaıyndaldy dep otyr.
«Jasóspirimniń anasy 10 qyrkúıek kúni Saryaǵash aýdandyq ishki ister basqarmasyna aryzdanǵan.Qylmystyq kodekstiń 121 baby («Seksýaldy sıpattaǵy zorlyq-zombylyq áreketteri») boıynsha sotqa deıingi tergeý amaldary júrgizilip jatyr. Sol 10 qyrkúıekten bastap sot-medıtsınalyq saraptamalar taǵaıyndaldy. Saraptamalar Shymkent qalasynda jasalady. Onyń qorytyndysy bir aıdyń kóleminde shyǵady. Sol saraptamanyń qorytyndysy negizinde istiń mán-jaılary anyqtalady»,- deıdi Saltanat Qarakózova.
