Túrkistan oblysynda 13 myńǵa tarta adamǵa koronavırýs vaktsınasy salyndy

TÚRKІSTAN. QazAqparat - Túrkistan oblysy vaktsınatsııa boıynsha kósh bastap tur. Óńirde óz erkimen 13 myńǵa jýyq adam koronavırýsqa qarsy ekpe qabyldady, dep habarlaıdy QazAqparat.

Onyń ishinde 10 674 medıtsına qyzmetkeri men 1276 pedagog bar. Al, 444 - polıtsııa qyzmetkeri men 75 - basqa da sanattaǵy azamattar.

Qazir ekinshi komponentpen 3264 adam vaktsına saldyrdy. COVID-19-ǵa qarsy vaktsınatsııa 20 emdeý mekemesinde júrgizilýde.

Qazirgi ýaqytta oblysta epıdemıologııalyq jaǵdaı turaqty.

Sońǵy táýlikte Túrkistan oblysynda 10 adamda COVID-19 indeti rastalǵan.

Jalpy oblysta pandemııa beleń alǵaly 574 400 PTR synama alynǵan.

Al sońǵy táýlikte zerthanalarda 2758 adam tekserildi. Juqpaly aýrýlar aýrýhanasynda barlyǵy 610 oryn bar, onyń 478-i - bos.

Aımaqta búginde jalpy 23429 medıtsına qyzmetkeri bar. Onyń 5 myńnan astamy - dárigerler, qalǵany - orta býyn mamandary.

Aq halatty jandardyń eren eńbeginiń arqasynda óńirde qaýipti indetti juqtyrǵan 4292 naýqas tolyq jazylyp shyqqan.

Jalpy, pandemııa bastalǵaly Covid-19 ınfektsııasy rastalǵan 4445 jaǵdaı tirkeldi. Onyń 2849-da aýrý sımptomsyz ótken bolatyn.

Oblystaǵy mekemelerde 8 ottegi stantsııasy, 400 ÓJJ apparaty, myńnan asa ottegi apparaty bar.

2 aıǵa jetetin dári-dármek qory jasaqtalǵan, 40-tan astam dári qoımasy, 800-deı dárihana jumys isteıdi.