Túrkistan oblysynda 128 myńnan astam dári-dármek satylymǵa shyǵady

TÚRKІSTAN. QazAqparat – Túrkistan oblysynda osy aptanyń sońyna deıin 22 túrli dári-dármektiń 128 myńnan astam danasy dárihana sórelerine satylymǵa shyǵady. Al, 20 shildeden keıin Túrkııadan oblysqa 41 túrli eýropalyq sapasy joǵary dárilik zattar jetkiziledi, dep habarlaıdy QazAqparat tilshisi.

Oblystyq ákimdiktiń málimetinshe, óńirde dári-dármek jetispeýshiligin joıý maqsatynda ótken aptada Túrkistan qalasyna 136 túrli 2 tonna dári-dármek jetkizilgen. Al, búgin 20 mln teńgege 140 túrli dárilik preparattar tasymaldanǵan.

Sala mamandarynyń aıtýynsha, dárihanaǵa túsken dáriler shekti baǵamen satylady. Bul protsesti quramyna sybaılas jemqorlyqqa qarsy agenttik ókilderi, Nur Otan partııasy óńirlik fılıaly tóraǵasynyń birinshi orynbasary, basqarma basshylary, ákimdik qyzmetkerleri jáne oblystyq jastar resýrsy ortalyǵynyń basshysy kiretin monıtorıng toby baqylaıdy.

Atalǵan dáriler jergilikti ákimdiktermen memorandým jasasqan 153 dárihanaǵa taratylady. Atalǵan qujatta ákimdik pen dárihana mindettemeleri aıqyn kórsetilgen. ıAǵnı, aýdan-qala ákimdikteri medıtsınalyq zattar men dárilik preparattardyń satylymǵa shyǵýyn úılestiredi jáne baqylaıdy.

Dárihanalar medıtsınalyq zattar men dárilik preparattardyń shekti baǵasyn ustanady. Antıbıotıkter men antıkoagýlıanttar dáriger jazyp bergen retsept boıynsha ǵana bosatylsa, ózge dáriler de bir adamǵa eki danadan ǵana satylady. Dárihana ıesi Densaýlyq saqtaý mınıstrligi bekitken hattamaǵa sáıkes satylymdaǵy dárilik zattyń 41 ataýy jáne shekti baǵasy jazylǵan tizimdi dárihanaǵa adam kózine birden túsetin jerge ilip qoıýy tıis.