Túrkistan oblysynda 120 myńnan astam adamǵa AÁK avtomatty túrde taǵaıyndaldy

TÚRKІSTAN. QazAqparat – Túrkistan oblysynda 22 myń otbasyndaǵy 120 myńnan astam turǵynǵa IV toqsanda ataýly áleýmettik kómekti (budan ári - AÁK) taǵaıyndaý, avtomatty túrde uzartylady, dep habarlaıdy Túrkistan oblysy ákiminiń baspasóz qyzmeti.

Baspasóz qyzmeti tartatqan málimetterge qaraǵanda, QR Eńbek jáne halyqty áleýmettik qorǵaý mınıstriniń tıisti buıryǵy aǵymdaǵy jyldyń 25 qyrkúıeginde qabyldandy jáne resmı jarııalanǵan kúninen bastap kúshine enedi.

Bul shara aýyldyq ákimdikterde jáne jumyspen qamtý ortalyqtarynda adamdardyń jappaı jınalýynyń aldyn alady, osylaısha azamattardyń koronavırýs ınfektsııasyn juqtyrý qaýpin azaıtady.

«AÁK alý úshin alǵash ret júgingen kezde jumyspen qamtý ortalyqtarynyń qyzmetkerleri memlekettik organdardyń aqparattyq bazalarynda qajetti derekterdi tekseredi. Sonymen birge ýchaskelik komıssııalar AÁK taǵaıyndaýǵa ótinish berýshilerge messendjerler arqyly saýalnama júrgizedi, baryp tekseris ótkizbeıdi. AÁK ótinimderin jańartý kezinde kiristerdiń belgili bir túrleri eskerilmeıdi.
Buǵan deıin AÁK alýshylaryna tótenshe jaǵdaı men shekteý sharalarynyń sebebinen II jáne III toqsandarda kómek taǵaıyndaý uzartylǵan bolatyn. AÁK jan basyna shaqqandaǵy ortasha tabysy otbasynyń árbir múshesi úshin aımaqtyq eń tómengi kúnkóris deńgeıiniń 70%-ynan tómen azamattarǵa taǵaıyndalatynyn eske salamyz.
Túrkistan oblysynda az qamtylǵan azamattar qatarynan barlyǵy 176,8 myńnan astam AÁK alýshy bar.