Túrkistan oblysynda 120 myńǵa jýyq turǵynǵa revaktsınatsııa jasaldy
TÚRKІSTAN. QazAqparat- Túrkistan oblysynda 120 myńǵa jýyq turǵyn revaktsınatsııadan ótti, dep habarlaıdy QazAqparat tilshisi.
Túrkistan oblysynda sońǵy táýlikte koronavırýs ınfektsııasynyń 90 jaǵdaıy tirkeldi. Táýliktik ósim 0,5% quraıdy. Óńirde 150 vaktsına saldyrý beketteri jumys istep tur. Oblys boıynsha 341 jasaqtalǵan mobıldi brıgada qurylǵan.
Qazir vaktsınanyń birinshi komponentimen túrkistandyqtar tolyq qamtyldy. Al ekinshi quramdy 1 039 738 adam qabyldady. Revaktsınatsııany 119 600 turǵyn aldy. Pandemııa bastalǵaly óńir boıynsha aýyrǵandar sany 17 989-ke jetti. Onyń 9280-inde aýrý sımptomsyz ótken. Al 4646 ınfektsııalyq statsıonarlarda em qabyldady.
Jalpy, 900 ınfektsııalyq tósek oryn uıymdastyrylǵan. Aıta keteıik, pandemııa bastalǵaly 16064 naýqas indetten tolyq aıyqqan. Jalpy 1 210 585 PTR synamasy alynǵan. Al sońǵy táýlikte zerthanalarda 1742 adam tekserýden ótken.
