Túrkistan oblysynda 110 balaǵa qamqorlyq jasady
TÚRKІSTAN. QazAqparat – Túrkistan oblysynda aımaq basshysy Ómirzaq Shókeevtiń bastamasymen aýyl-aýdandarynda «Qamqorlyq» baǵdarlamasy iske asa bastaǵany belgili. Óńirde bastaý alǵan qaıyrymdylyq is-sharasyna saıramdyq turǵyndar da belsendilik tanytýda, dep habarlaıdy QazAqparat tilshisi.
Saıram aýdanynyń ortalyǵyndaǵy orta mektepte qaıyrymdylyq sharasy uıymdastyrylyp, onda muqtaj otbasynan shyqqan 110 balaǵa kómek kórsetildi.
Aýdan ákiminiń orynbasary Madııar Orazalıevtiń qatysýymen ótken sharada 52 otbasynyń balalaryna qajetti kıim-keshek tabystaldy. Atalǵan aktsııaǵa Shymkent qalalyq məslıhatynyń depýtaty Hýsanhan Ahmathanovtyń uıytqy bolýymen, Kýveıt qalasynyń Dúnıejúzilik ıslam qaıyrymdylyq qorynyń basshylary Álvan ıAser Mohamed Álı men Badr Saıýd Ál-Sýmaıt myrzalar demeýshilik jasaǵan.
«Qaıyrymdylyq – ıgiliktiń bastaýy, jaqsylyqtyń nyshany. Bul ósip kele jatqan jastarymyzdyń alańsyz bilim alýyna, sonymen qatar bolashaǵy jarqyn bolýyna septigin tıgizetini sózsiz. Bul ıgi bastama aýdanymyzda ári qaraı jalǵasyn tabatynyna senimimiz mol», - dedi Madııar Orazálıev.
