Túrkistan oblysynda 11 myńǵa jýyq ShOB ókilderi raqymshylyqqa ilikken

TÚRKІSTAN OBLYSY. QazAqparat - Shymkent qalasynda «Shaǵyn jáne orta kásipkerlik sýbektilerine jáne jeke tulǵalarǵa salyqtyq raqymshylyq júrgizý» taqyrybynda semınar-keńes ótti.

Jıynda sondaı-aq «Eksporttyq baqylaýǵa qatysty saýaldar, EAEO elderinen zańsyz taýar kirgizý jáne kameraldyq baqylaý máselelerin talqylaý» máselelri sóz boldy.

Bul jaıynda Túrkistan oblysy boıynsha Memlekettik kirister departamentiniń baspasóz qyzmeti habarlady.

Semınarǵa QR QM Memlekettik kirister komıteti jáne salyq salasynyń basshylary men mamandary qatysty.

Aıta keterligi, Túrkistan oblysy boıynsha salyqtyq raqymshylyqqa shaǵyn jáne orta bıznestiń 10 909 sýbektileri ilikken.

2019 jyldyń 1 qazanyndaǵy málimet boıynsha 7 926 sýbektilerdiń, ıaǵnı jalpy sanynyń 73%-y 73,2 mln tenge kólemindegi bereshekterin tólegen. Al 2019 jyldyń 1 qańtardaǵy esebi boıynsha jeke tulǵalardyń arasyndaǵy bereshegi barlardyń qatary 140 myń adamdy qurasa, olardyń memleketke qaryzy 722 mln teńgege jetken.

Munyń ishinde 82,3 paıyzynyń kólik, múlik jáne jer salyǵyna bereshegi bar. 4 qazanǵa deıingi málimet boıynsha 18 086 jeke tulǵanyń ósimpuly alynyp tastaldy.

Semınar barysynda birneshe másele kóterildi. Atap aıtqanda, elimizdegi júrgizilip jatqan salyqtyq raqymshylyq jumystarynyń nátıjesi, salyqtyq qaryzdardy óndirý jumystary, kameraldy, eksporttyq baqylaý men óndiristik emes tólemder jónindegi máseleler talqylandy.

Semınarda salyq tóleýshiler mamandarǵa ózderin tolǵandyrǵan saýaldaryn qoıyp, jaýap aldy. Sondaı aq, semınarǵa qatysýshylar tarapynan túsken usynystar men eskertýlerdi boıynsha qarar qabyldandy.