Túrkistan oblysynda 11 myń gektar alqaptaǵy maqta jınalyp alynbaq
TÚRKІSTAN. QazAqparat – Túrkistan oblysyna qarasty Jetisaı aýdanynyń sharýalary qyrkúıek aıynyń alǵashqy 10 kúndiginde maqta terý naýqanyn bastamaq. Sala mamandary aq altynnyń aýa-raıynyń qolaısyzdyǵynan 20-25 kúnge kesh egilgenin aıtyp otyr, dep habarlaıdy QazAqparat tilshisi.
Kezdesken qıyndyqtarǵa qaramastan túrkistandyq sharýalar bıyl maqta daqylyn der kezinde jınap alýdy josparlap otyr. Olar alqaptardy ýaqytyly sýǵaryp, dárileýiniń arqasynda ónim bitik shyqqan. Al, jappaı maqta terý naýqanyna qyrkúıek aıynan bastap kirispek nıette. Al, Túlkibas aýdanynda bıylǵy jyly 502 gektar jerge tamshylatyp sýarý ádisi engizilip otyr. Negizinen baý-baqsha ósirýmen aınalysatyn taýly aýdannyń sharýalary aldyńǵy qatarly ozyq tehnologııalardy qoldana bastaǵan. Sonyń arqasynda jemister kólemi artyp, mol ónim alýda. Aıta keteıik, aýdanda ótken jyly 500 ga jerge tamshylatyp sýǵarý ádisi engizilgen bolatyn. Bıylǵy jyly qosymsha taǵy segiz sharýa qojalyǵy 300 ga jerge tamshylatyp sýarý ádisin engizdi. Osylaısha sharýalar sýdy únemdeý arqyly 7-8 esege deıin mol ónim jınamaq.
