Túrkistan oblysynda 11 myń adam koronavırýs ekpesin aldy
TÚRKІSTAN. QazAqparat - Túrkistan oblysynda 11 myń adam óz erkimen vaktsına qabyldady. Olardyń 9 113-i medıtsına mamany bolsa 1 147-i bilim salasynyń qyzmetkeri, 399-y kúshtik qurylym mamany saldyrǵan. Qazir kovıdke qarsy ekpe alǵan azamattar dárigerlerdiń baqylaýynda, dep habarlaıdy QazAqparat oblys ákiminiń baspasóz qyzmetine silteme jasap.
Jalpy 1 aqpannan bastap óńirge Qaraǵandy farmatsevtıkalyq kesheninen «Spýtnık-V» vaktsınasynyń 12 myń dozasy jetkizilgen.
Túrkistan oblysynda aptalyq aýrýshańdyq dınamıkasy normadan asyp, 1,7-ke jetken.
Pandemııa bastalǵaly barlyǵy KVI-diń 4 385 jaǵdaıy tirkeldi, onyń 2 816 sımptomsyz ótti. Statsıonarlarda 1 694 adam emdeldi. Juqpaly aýrýlar aýrýhanasynda barlyǵy 610 oryn bar, olardyń 512-sy bos.
Aıta ketsek, Túrkistan oblysy turǵyndarynyń 45-50 paıyzyna vaktsına salý josparlanǵan. Budan basqa, keıinnen halyqtyń qosymsha osal toptaryn qosa otyryp, kontıngentti keńeıtý kózdelýde.
Qazaqstanda juqpaly aýrýlarǵa, onyń ishinde koronavırýs ınfektsııasynyń vaktsınatsııa tegin, erikti túrde jáne vaktsınatsııalaýǵa nıet bildirgen adamnyń kelisimimen júrgiziledi. Koronavırýsqa qarsy ımmýndaý jyl sońyna deıin jalǵasady. Vaktsınatsııa koronavırýstyń odan ári taralýyna jol bermeı, qatań lokdaýn engizýbeýdiń jalǵyz balamasy.
