Túrkistan oblysynda 11 alaıaqtyq qylmysqa qatysy bar áıel ustaldy
TÚRKІSTAN. QazAqparat - Túrkistan oblysynda 11 alaıaqtyq qylmysyna qatysy bar degen kúdikpen áıel adam ustaldy. Sezikti aryzdanýshylardyń senimine kirip, olardy túrli jolmen aldap ketip otyrǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, kúdiktini ustaýǵa jergilikti turǵyndardyń aryzy sebep bolǵan.
«Jedel-izdestirý sharalaryn júrgizgen Saryaǵash APB-niń qyzmetkerleri alaıaqtyq jasaǵan kúdikti áıeldi ustady. Ol buryn sotty bolmaǵan jergilikti turǵyn bolyp shyqty. Sezikti jergilikti turǵyndarǵa memlekettik baǵdarlamamen járdemaqy alyp beremin, ne bolmasa múgedektikke, zeınetkerlikke shyǵaryp beremin dep aqshasyn alyp otyrǵan. Máselen, Saryaǵash qalasynyń turǵynyna qaıtarymsyz járdemaqy taǵaıyndatyp beremin dep 550 myń teńgesin alǵan. Taǵy bir jaıtta «Joǵary somadaǵy zeınetkerlikke shyǵaryp beremin» dep, 530 myń teńgege aldap ketken. Jábirlenýshilerge keltirilgen shyǵynnyń jalpy kólemi 3 mıllıon teńgeden astam» delingen habarlamada.
Qazir kúdikti áıeldiń qylmystyq is-áreketterine oraı QR QK-niń 190-shi «Alaıaqtyq» baby boıynsha is qozǵalyp, sotqa deıingi tergeý jumystary júrgizilýde. Qylmystyq is aıyptaý aktisimen sotqa joldanǵan.
