Túrkistan oblysynda 105 eldi mekendegi áleýmettik-ınfraqurylymdyq nysandar jóndeledi
Túrkistan oblysynda «Aýyl – el besigi» jobasy aıasynda bıyl 249 joba iske asyrylyp, 400 myńnan astam halyq turatyn 105 eldi mekendegi áleýmettik-ınfraqurylymdyq nysandardyń jaǵdaıy jaqsaratyn bolady. Bul maqsatta qazynadan 16,7 mlrd.teńgege jýyq qarajat qarastyrylǵan. Jobanyń júzege asý barysy búgin Túrkistan oblysynyń ákimi Ómirzaq Shókeevtiń tóraǵalyǵymen ótken aptalyq apparat otyrysynda baıandaldy.
«Aýyl – el besigi» jobasy aıasynda bıyl óńirde 11 feldsherlik-akýsherlik beket jáne 1 dárigerlik ambýlatorııa, 11 mektepke qosymsha ǵımarat salynyp, 23 mektepti kúrdeli jóndeýden ótedi. 7 sport nysany boı kóterip, bir sport nysany kúrdeli jóndeýden ótedi. 13 mádenıet nysany salynyp, bireýinde kúrdeli jóndeý júrgiziledi. 9 tabıǵı gazben qamtamasyz etý nysandary men 8 elektr qýatymen jabdyqtaý nysandary nyń qurylysy júrgiziledi. 168 ishki kósheler ortasha jóndeýden ótedi. 200-den astam jańa nysan jyl sońyna deıin paıdalanýǵa beriledi. Jobanyń iske asyrylýy turaqty baqylaýda.
Oblys ákimi josparlanǵan barlyq jobalardyń ýaqytynda iske asrylýyn qamtamasyz etýdi tapsyrdy. Jumys barysyn kúsheıtip, turaqty monıtorıng júrgizýdi júktedi.
«Aýyl – el besigi» jobasynyń negizgi maqsaty – aýyl turǵyndarynyń ómir súrý sapasy men ál-aýqatyn jaqsartý.
Jıynda bıýdjetke túsimder túsirý jáne bıýdjetti ıgerý barysy da talqylandy. Túrkistan oblysy jyldyq bıýdjetti ıgerý boıynsha respýblıkada aldyńǵy orynda keledi. Óńir basshysy qarjyny tıimdi ıgerip, el úshin mańyzdy jobalar men qurylys jumystaryn jalǵastyrýdy tapsyrdy.
