Túrkistan oblysynda 100 jastaǵy ardagerge úsh bólmeli páter berildi

TÚRKІSTAN. QazAqparat - Túrkistan oblysynda 100 jastaǵy ardagerge úsh bólmeli páter berildi, dep habarlaıdy QazAqparat tilshisi.

Saryaǵash aýdanynyń ákimi Arman Abdýllaev Jeńis merekesiniń qarsańynda 100 jastaǵy soǵys ardageri Ermohan Ishhonovqa úsh bólmeli páterdiń sertıfıkatyn tabystady.

Qarııa aýdan ákimine alǵysyn bildirip, maıdan dalasynda basynan keshken tarıhı oqıǵalaryn aıtyp berdi. Soǵys ardageri búgingi tańda ul-qyzdarynan 33 nemere, 49 shóbere jáne 6 shópshek súıip otyr.

Ermohan Ishhonov 1942 jyly 5 mamyrda ásker qataryna shaqyrylyp, soǵysqa attanǵan. 1948 jyly áskerı qyzmetin toqtatyp, oǵan I dárejeli «Otan soǵysy», «KSRO Gvardııasy» ordenderi berilgen. Sonymen qatar «Minsiz qyzmeti úshin», «Ýkraınanyń 50 jyldyǵy», «Erligi úshin» medaldarymen marapattalǵan.