Túrkistan oblysynda 100-den astam mektep dırektorynyń orny bos tur
Túrkistan oblysy boıynsha memlekettik 906 orta bilim berý uıymy bar. Sonyń ishinde 164 bilim berý uıymy basshysynyń orny bos tur. Atap aıtar bolsaq, 123-mektep, 35 balabaqsha, 4 kolledj, 2 qosymsha bilim berý uıymynda basshy joq. Sondaı-aq, 120 mektep, 70 balabaqsha basshylary rotatsııalaýǵa jatady.
«Oblystyq adamı áleýetti damytý basqarmasy rotatsııalaýdy 3 kezeń boıynsha josparlaǵan. Sodan 103 basshyǵa rotatsııa júrgizgen. Al, Saıram, Túlkibas aýdandarynda rotatsııalaý múldem júrgizilmegen. 10-20 jyl basshylyq qyzmette otyrǵan azamattarǵa múldem rotatsııalaý bolmaǵan. Sondaı-aq, rotatsııalaý komıssııasynyń sheshimi 9 mektepte oryndalmaǵan» - dedi Janar Qasymova.
Sonymen qatar bilim berý uıymdaryn memlekettik attestattaý barysynda 311 bilim berý uıymy attestattaýdan óte almaǵan. Olardyń ishinde 186 balabaqsha, 117 mektep, 8 kolledj bar.
