Túrkistan oblysynda 10 jyl buryn bastalǵan tonneldiń qurylysy bıyl aıaqtalady

TÚRKІSTAN. QazAqparat - Túrkistan oblysynyń Túlkibas aýdanynda 10 jyldan beri salynyp jatqan tonneldiń qurylysy bıyl aıaqtalady. Bul týraly Túlkibas aýdanynyń ákimi Nurjan Іztileýov málim etti, dep habarlaıdy QazAqparat tilshisi.

«Batys Eýropa – Batys Qytaı» halyqaralyq avtojolynyń boıynda salynyp jatqan jerasty tonneliniń qurylysy 2013 jyly bastalǵan bolatyn. Jobanyń jalpy quny – 8,5 mlrd teńge. Tonneldiń uzyndyǵy – 840, eni – 13 metr. Josparǵa sáıkes, aýqymdy jerasty tonneliniń qurylysy 2023 jyldyń qarasha aıynda tolyq aıaqtalyp, el ıgiligine berilmek.

«Búgingi kúni burǵylaý-jarý jumystary men monolıtti beton qurylysy tolyǵymen aıaqtaldy. Jol tósemi men drenajdy qurylǵy úshin daıyndyq jumystary júrgizildi. Qazirgi tańda elektr jaryǵymen qamtý jumystary atqarylyp jatyr», - dedi Nurjan Іztileýov.