Túrkistan oblysynda 10 baldyq jer silkinisi bolatyny týraly aqparat jalǵan - TJM
NUR-SULTAN. QazAqparat - Túrkistan oblystyq Tótenshe jaǵdaılar departamenti 10 baldyq jer silkinisi bolatyny týraly aqparattyń jalǵan ekenin málimdedi, dep habarlaıdy QazAqparat atalmysh vedomstvonyń baspasóz qyzmetine silteme jasap.
«Qurmetti oblys turǵyndar! Osy kezde áleýmettik jeliler arqyly Túrkistan oblysynda 10 baldyq jer silkinisi bolady degen aqparat tarap jatyr. Túrkistan oblystyq Tótenshe jaǵdaılar departamenti atalǵan aqparattyń jalǵan ekendigin habarlaıdy»,-delingen habarlamada.
Aıta keteıik, 24 maýsym kúni Túrkistan oblysyna qarasty Arys qalasyndaǵy áskerı bólimshede jarylys boldy.
Oqıǵa ornyna shuǵyl túrde Memleket basshysy Qasym-Jomart Toqaev jetip, jarylys aýmaǵynan evakýatsııalanǵan turǵyndarmen kezdesti.
