Túrkistan oblysynda 1 synyp oqýshysy kanal sýyna qulap kóz jumdy
TÚRKІSTAN. QazAqparat - Túrkistan oblysynda 1 synyp oqýshysy kanal sýyna qulap kóz jumdy. Bul týraly Azamattyq qorǵanys basqarmasynyń bastyǵy Qanat Qarabalaev aıtyp ótti, dep habarlaıdy QazAqparat tilshisi.
Oqıǵa Jetisaı aýdanynyń Qyzyl qum aýyldyq okrýgi, Alǵabas eldi mekeninde bolǵan. Birinshi synyp oqýshysy K-30 kanalyna qulap ketkendigi týraly habar Tótenshe jaǵdaılar departamentine saǵat 16:00 túsken. Al, 16:30-17:00 aralyǵynda jergilikti turǵyndar balanyń óli denesin kanal boıyndaǵy shlıýzden kórip qalyp, shyǵaryp alǵan.
«Oqıǵa ornyna tótenshe jaǵdaı departamentiniń mamandary men jedel tergeý toby baryp jumys atqardy. Qazirgi tańda sot medıtsınalyq saraptama taǵaıyndaldy» - dedi Qanat Qarabalaev. Azamattyq qorǵanys basqarmasynyń bastyǵynyń aıtýynsha bul jyl basynan sýǵa ketý jaǵdaıy boıynsha Túrkistan oblysyndaǵy ekinshi oqıǵa eken.
24 qańtar kúni Qazyǵurt aýdanyndaǵy Rabat sý qoımasynan kúzetshi kıimindegi bir adamnyń da denesi tabylǵan. Qazir ol oqıǵa boıynsha da sot medıtsınalyq saraptama taǵaıyndalyp, tergeý júrip jatqan jaıy bar.
