Túrkistan oblysynda 1 myń shaqyrymǵa jýyq jol jóndeledi

TÚRKІSTAN. QazAqparat - Túrkistan oblysynda aǵymdaǵy jyly avtomobıl joldary salasyn damytýǵa respýblıkalyq jáne oblystyq bıýdjetten jalpy 42 mlrd. 650,2 mln. teńge qaralyp, 69 nysan nemese 974,2 shaqyrym jol men kóshelerge jáne 8 kópirge qurylys-jóndeý jumystary júrgiziledi.

Bul týraly Túrkistan oblysy ákimdiginiń baspasóz qyzmeti habarlady.

QR Indýstrııa jáne ınfraqurylymdyq damý mınıstrligimen Túrkistan oblysynyń ákimdigi arasynda 2018 jyldyń 30 qarashasynda «Túrkistan qalasynyń jol-kólik ınfraqurylymyn damytý boıynsha ózara túsinistik pen yntymaqtastyq týraly» Memorandýmǵa qol qoıylǵan bolatyn.

Kelisim negizinde 2019 jyly respýblıkalyq bıýdjetten 70/30 parıteti negizinde oblys kólemindegi jergilikti mańyzy bar avtomobıl joldaryn jóndeý jumystaryna 7,6 mlrd. teńge qaralǵan. Negizgi parıtet 50/50, ıaǵnı maqsat - oblystyq bıýdjetten bosaǵan 20 paıyz qarjyny Túrkistan qalasynyń ishki kósheler jelisin damytýǵa baǵyttaý bolyp tabylady. Aǵymdaǵy jyly Túrkistan qalasynyń ishki kóshelerinde jóndeý jumystaryn júrgizýge oblystyq bıýdjetten - 2 mlrd. 587,5 mln. teńge qaralǵan.

Sondaı-aq, oblys ortalyǵy Túrkistan qalasynda jańadan salynatyn áýejaıǵa (qalanyń soltústik-shyǵys baǵytynda) baratyn joldyń qurylysyn júrgizý maqsatynda oblys ákimdigi tarapynan atalǵan avtomobıl jolynyń qurylysyna ekonomıkalyq-tehnıkalyq negizdeme ázirlenýde. Jalpy joldyń uzyndyǵy - 11,7 shaqyrymdy quraıdy.

Budan ózge, Túrkistan qalasynan jańa avtobeketter salý boıynsha Shymkent baǵytynda jeke ınvestıtsııa esebinen 3 gektar aýmaqqa táýligine 10 myń jolaýshyǵa (600 avtobýs) qyzmet kórsete alatyn jańa avtobekettiń qurylysy júrgiziledi. Qyzylorda baǵyty boıynsha qazirgi tańda oblystyq sáýlet jáne qala qurylysy basqarmasy jańa avtovokzaldyń ornyn anyqtaý ústinde. Jańa avtovokzal salýǵa ınvestorlar nıet bildirýde.