Túrkistan oblysynda 1 mln astam saılaýshy daýys beredi dep kútilip otyr

TÚRKІSTAN. QazAqparat - Túrkistan oblysynda daýys berý protsesi erekshe formatta ótip jatyr, dep habarlaıdy QazAqparat tilshisi.

Atap aıtar bolsaq, kitap kórmesi men qolóner kórmesi uıymdastyrylyp, ónerpazdar án shyrqady.

Daryndy jastardan quralǵan orkestr men myń buralǵan bıshiler de óner kórsetti.

Al aqsaqaldar qaýymy men aq jaýlyqty ájeler daýys berý arqyly ónege kórsetip, kósh bastady. Sondaı-aq, ortalyq alańdarda azyq-túlik jármeńkesi ótti.

Onda kúndelikti tutyný taýarlary men azyq túlikter naryqtan 10-15 paıyzǵa arzan baǵada satylymǵa shyqty.

Túrkistan oblysynyń turǵyndary da tańmen talasa kelip, saılaýda belsendi túrde daýys berip jatyr.

Saılaýdan probatsııa qyzmetinde turýshylarmen qatar aýrýhanadaǵy emdelýshiler de tys qalǵan joq. Úıden daýys beretin azamattarǵa da qolaıly jaǵdaı jasaldy.

Al, perzenthanadaǵy jas analar saılaýǵa 100% qatysty. Sábıli bolǵan analar da saılaý naýqanynan tys qalǵan joq.

Ǵasyr jasaǵan keıýanalar men kámelet jasyna tolǵan jasóspirimder de saılaýda daýys berip, azamattyq belsendiligin kórsetti.

Aıta ketý kerek, Túrkistan oblysy boıynsha 919 saılaý ýchaskesi bar. Onyń 50-i oblys ortalyǵynda ornalasqan.

Oblysta 1 mıllıonnan asa saılaýshy daýys beredi dep kútilip otyr.

Eske salaıyq, oblys aýmaǵynda saılaý kúni qoǵamdyq kólik tegin qyzmet kórsetip jatyr.