Túrkistan oblysynda 1,8 myńǵa jýyq názik jandy memlekettik qyzmette isteıdi
Óńirlik kommýnıkatsııalar qyzmetinde ótken baspasóz brıfıngisinde QR Memlekettik qyzmet isteri agenttiginiń Túrkistan oblysy boıynsha departamenti basshysynyń orynbasary E.Ermahanbetov pen departament basqarmasynyń basshysy N.Shyntaev óńirdegi memlekettik qyzmet pen qyzmetshilerdiń jaı-kúıine toqtaldy. Sala basshylary departament tarapynan qoldanystaǵy zańnama talaptaryna sáıkes, Ádep jónindegi keńester memlekettik qyzmetshilerdiń qyzmettik ádepti saqtaýdaǵy jaýapkershilik deńgeıin arttyrýda jumystar atqarylyp keledi. Ádep jónindegi ýákilderdiń qyzmetin úılestirýdi qamtamasyz etedi.
«Ótken jyly Ádep jónindegi keńeste qaralǵan 88 tártiptik istiń 34%-y sebepti qysqartylǵan. 2019 jyldyń qorytyndysy boıynsha Ádep jónindegi keńeste 88 tártiptik is qaralyp, nátıjesinde 57 qyzmetshi ártúrli tártiptik jazaǵa tartyldy» - dedi departament basshysynyń orynbasary E.Ermahanbetov.
Búgingi kúni óńirde barlyǵy 610 memlekettik organ, ıaǵnı 449 jergilikti atqarýshy jáne 161 ortalyq organdardyń aýmaqtyq departamentteri jumys isteıdi. Oblystaǵy memlekettik laýazymdar sany – 7 061, naqty sany – 6 604, bos laýazymdar – 457 birlik nemese óńirdegi jalpy shtattyń 6,4%-y bos laýazym. Odan bólek, óńirde qyzmetshilerdiń árbir úshinshisi 30-39 jas aralyǵyndaǵy belsendi jastar. ıAǵnı oblystaǵy qyzmetshilerdiń ortasha jasy 39,7 jas.
«Óńirdegi 4 849 memlekettik qyzmetshi — erler, 1 755 qyzmetshi — áıelder qaýymy. Oblystaǵy joǵary bilimi bar qyzmetshiler sany – 6 179 nemese 93,5%. «Bolashaq» baǵdarlamasynyń túlekteri – 10. QR Memlekettik basqarý akademııasynyń túlekteri – 24. Al, 425 - orta jáne arnaýly orta bilimi bar qyzmetshiler», - dedi N.Shyntaev.
