Túrkistan oblysynda 1,5 jasar búldirshin taraqan óltiretin dárini jep qoıǵan
LEŃGІR. QazAqparat - Túrkistan oblysynda 1,5 jasar qyz taraqannyń dárisin jep qoıǵan. Ýlanǵan búldirshindi jedel járdem qyzmetkerleri Tólebı aýdandyq ortalyq aýrýhanasyna jetkizgen, dep habarlaıdy QazAqparat tilshisi.
Keleńsiz jaǵdaı Leńgir qalasynda oryn alǵan. Ata-anasy úıine kelgen meımandardy kútemiz dep, qyzyn qaraýsyz qaldyrǵan. Osy kezde búldirshin edende jatqan taraqan óltiretin dárini jep qoıady. Anasy ony der kezinde baıqap qalyp, jedel járdem shaqyrtqan. Aýrýhanaǵa aýyr jaǵdaıda túsken kishkentaı naýqasqa «jiti ýlanǵan» degen dıagnoz qoıyldy. Dárigerler shuǵyl túrde emdik sharalar jasap, ómirin aman alyp qaldy. Qazirgi tańda qyzdyń ómirine qaýip joq. Búldirshinniń ata-anasy dárigerlerge sheksiz alǵysyn bildirdi.
Aıta keteıik, bul - atalǵan aýdanda oryn alǵan ýlaný boıynsha alǵashqy oqıǵa emes. Buǵan deıin dárigerler birneshe kún boıy 60 jastaǵy er adamnyń ómiri úshin kúresken. Búgin ol jansaqtaý bólimshesinen qarqyndy terapııa palatasyna aýystyryldy. Naýqastyń aıtýynsha, ol qazan tazalaıtyn turmystyq hımııany sýsynmen shatastyryp, iship qoıǵan.
