Túrkistan oblysynda 1,3 mln-nan astam kóshet otyrǵyzylýda
QR Prezıdentiniń tapsyrmasyna sáıkes, bıylǵy jyldan bastap Túrkistan qalasyn jasyl qalaǵa jáne aýa-raıyn qolaıly klımatqa aınaldyrý maqsatynda Túrkistan qalasynyń aınalasynda «Jasyl beldeý» qalyptastyrý jumystary júrýde.
Osyǵan oraı, oblys ákimdiginiń bastamasymen oblys ortalyǵynda jalpyhalyqtyq senbilik ótti. Senbilikke óńir basshylyǵy, oblys ákimdigine qarasty basqarmalar men departamentter qyzmetkerleri jáne jergilikti turǵyndar qatysty.
Budan bólek, senbilik aıasynda 16 aýdan, qala halqy da aýyldaryn tazartýǵa atsalysty.
Aıta keteıik, Túrkistan qalasyn kógaldandyrý maqsatynda qala 16 sektorǵa bólingen. Ár sektorǵa jaýapty aýdan, qala óz aýmaǵynda aǵash otyrǵyzý jáne abattandyrý jumystaryn qarqyndy júrgizýde. Bıyl Túrkistan qalasy boıynsha 197 myń kóshet otyrǵyzý josparlansa, osy sektorlardyń jumysy nátıjesinde búgingi kúnge deıin 49 myń kóshet egilgen. Al búgingi jalpyhalyqtyq senbilik aıasynda oblys ortalyǵynda 24 myńnan astam tal egildi. Sharaǵa 33 tehnıka jumyldyryldy.
Sondaı-aq Túrkistan qalasynda 268 sý uńǵymasyn jasaý josparlansa, sonyń ishinde 57 sý uńǵymasy iske qosylǵan.
Jalpy oblys boıynsha 1304,9 mln kóshet egý josparlanyp, búginde 609,2 myń kóshet otyrǵyzylǵan.
Jergilikti turǵyndar da kóne shahardyń jasyl qalaǵa aınalýyna belsene qatysty.
